Księgarnia św. Jacka na całym Śląsku

Ksiegarnia św Jacka na całym Śląsku

księgarnia" Orbita" w Rybniku

ksiegarnia "Luna" Wodzisław Śl.

księgarnia w Rydułtowach koło Urrzędu Miasta

księgarnia w Pszowie koło kościoła

Oraz sprzedaż wysyłkowa na adres mail - ksiaż[email protected]

FRANCIK BLOMBA
Cwerg "Francik Blomba " synek od Margoty
Mioł sztrykowano czopka , kabotek i galoty
Mioł też w lesie chałupka mało
Tam mu niczego nie brakowalo
W chałupce yno jedna izba byla
Ale wszysko pomieściyła
Szeslon , byfyj ,szrank i dwa stołki
Waszpek , ryczka - Francikowy dobytek cołki
A najważ niejsze co mioł " Francik Blomba "
To była w rogu izby - jego złoto tromba
Tromba mioł po starziku erbowano
Groł na ni kożdy dziyń rano
Rano dycki fest wczas stowoł
Umył sie i zaroz na dwor wylazowoł
Prosto nad staw szoł
I po drodze już na trombie groł
Kożdy dziyń o wczaśnej porze
" Kiedy ranne wstają zorze "
To było poranne Francikowe rzykani
Po lesie nisło sie daleko jego grani
Nad stawym siodoł na kamiyniu , kole młodej sośniczki
I wygrywoł rostomańte pieśniczki
Dopiyro jak sie mu zmirzło grani
To szoł du dom na śniodani
Roz daleko w lesie usłyszoł Francikowe grani " Hajnel Mara "
Co erbowoł po swojim starziku gitara
Prziszoł Hajnel ku stawie obejrzeć kto
Tak piyknie na trombie gro
Cwergi oba roz - dwa sie dogodaly
Kożdy dziyń rano do kupy grały
Niysły sie rano piykne pieśniczki rano po świecie
Francik i Hajnel grali w duecie
Prziszoł roz ku nim " Jorgel Gibki "
A pod pachom przinios skrzipki
" -Słysza że tukej tak piyknie grocie
Możno i dlo mie sam miejsce mocie ? "
Hajnel z Francikym sie uradowali
Że teraz bydom we trzech grali
Grać wszyskim do kupy sie podobało
Kożdy dziyń rano " Leśne trio " grało
Jeszcze prziszoł ku nim " Florek Brzinkała "
Co mu starka bymbyn po starziku dała
Na dyć że sie przidoł muzykant nowy
Teraz to już kwartet był gotowy
Sztyry cwergi dziynnie z rana koncertowały nad stawym
Roz prziszoł do nich pionty -" Alojz Szpotawy "
Nazywoł sie Szpotawy bo krziwe szłapy mioł
Ale bardzo dobrze na harmonice groł
A ta zocno harmonika
Erbowoł od swojigo starzika
Jerona , jerona kandego !
Radowały sie cwergi z kamrata piontego
Wszyjscy do granio mieli wielko chynć
Teraz już groł kwintet czyli cwergow piynć
I tak je do dzisiej , kożdy dziyń rano
Piynć cwergow chyto sie granio
Od stawu po całym lesie
Piykno muzyka sie niesie
Jo moga poświadczyć że sam je prowda napisano
Cwergi rychtyk grajom nad stawym kożde rano
Jo ich widziała i grać słyszała
Jak żech w tym lesie grziby zbiyrała

Marietta Nikel