| |
|
[14 sierpnia 2009]
Roztomili. Pisza tyn felieton nad morzem, kaj goronco jak w bradrurze i ludzie poseblykani do granic przyzwoitości snujom sie abo leżom na plaży, brzuchami do góry jak śniynte ryby. Jak sie włazi na ta olbrzymio piaskownico-patelnia trza szukać miejsca na postawiynie lacia, by niy nadepnońć jakoś rubensowsko jejmość wystawiono do słońca, abo "cichociemnego" w stringach i zaciemnionych jak szyby wipowskich bryk, brylach.
|
|
[07 sierpnia 2009]
Roztomili. Wybrołech sie na wczasy i z nadmiaru wolnego czasu zajmuja sie pierdołami, kere na co dziyń niy przydom mi do gowy. Przy myciu zymbów przijrzołech sie tubce pasty i jest tam wszystko napisane, oprócz tego, że jest to pasta do zymbów. Czytajonc ta lektura z tubki dowiedziołech sie kupa niepotrzebnych rzeczy. Nikerych żech nie doczytoł, ino żech sie domyśloł, bo napisy som anglojynzyczne. Bez toż sie zastanowiom, czy handlowcy chcom sie pochwolić znajomościom obcych jynzyków abo niy znajom za dobrze swojego. Z drugi strony może to nawet dobrze, że handlowcy piszom po angielsku, bo sie człowiek może doszkolić. Sporo naszych europosłów, kerzy niy znajom angielskiego jakby czyńści myli zymby, nie musieliby mieć tłumacza.
|
|
[24 lipca 2009]
Roztomili. W łostatnio sobota miołech okazjo brać udział W III Marszu Autonomii, kery przyszykowoł Ruch Autonomii Ślonska. Skuli tego, że nikerzy abo ciepali bergami na szkoła , abo znajom historia Ślonska ino z podrynczników szkolnych, kere że tak powiym tyn problym ledwo sygnalizujom, pozwola sie tu wyeklerować w poru zdaniach, ło co w tym wszystkim chodzi. Ślonsk przez długie lata swoji historii - aż do zakończynio I wojny światowy - znajdowoł się w obrymbie dwóch państwowości Austro-Węgier i Prus, kere wojna przegrały. Austro-Węgry wskutek przegrany wojny przestały istnieć, natomiast państwo pruskie zostało okrojone na rzecz odradzajoncy się Polski o czyńść Ślonska. A stało się tak skiż tego, bo na Ślonsku z historycznych uwarunkowań bardzo silny boł polski żywioł, do kerego odwołoł się Wojciech Korfanty i zażondoł przyłonczynio czyńści ziym Górnego Ślonska do Polski. Koncepcja ta znodła wielu zwolynników jak i przeciwników. W końcu zwyciynskie mocarstwa postanowiyły w ty sprawie przeprowadzić plebiscyt. Aby zmobilizować Ślonzoków do welowanio za Polskom, polski parlamynt w dniu 15 lipca 1920 roku uchwoloł tzw. Statut Organiczny, przyznajoncy Ślonskowi bardzo dużą samorzondność, czyli autonomio. Dziynki ty autonomii, kero gwarantowała nom miendzy innymi własny syjm i skarb, Ślonsk boł przed wojnom najbogatszym polskim województwym i rozstrzygoł ło wielu ważkich dla regionu sprawach. Skarb ślonski udzieloł przed wojnom znaczoncych pożyczek Polsce i przyczynioł się do budowy wielkich inwestycji miyndzywojynnych. Jednym słowym Polska czerpała ze Ślonska znaczonce profity.
|
|
[17 lipca 2009]
Roztomili. Miołech okazyjo uczestniczyć we trefie zorganizowanym przez posła Marka Plurę z Katowic. Tref boł zorganizowany w 1. rocznica konferencyji poświyncony kodyfikacyji slonski godki. Ta kodyfikacyjo jest potrzebno, aby polski parlament oficjalnie uznoł nasza godka za jynzyk mniejszościowy. Jak jom uzno, to znońdzie się geld nad dalszymi badaniami. Gościny zaproszonym udzieloł dziedzic na wojewódzkich włościach, sam pon wojewoda, Ślonzok z krwi, kości i z ducha Zygmunt Łukaszczyk. Trefiyli my się we złoty sali, kero się okazała za mało jak na ilość przybyłych gości. Bez toż bardzo spodobała mi się gibko decyzyjo pana wojewody, kery bez zbyndnych ceregieli stwierdzioł, że się przenoszymy do wiynkszy izby. I to chyba boła jedyno rzecz, do kery niy idzie się dosmolić. Jeżech wielce rod posłowi Markowi Plurze, że wreszcie nasze parlamentarzysty zaczynajom się budzić z partyjnego kimanio i zaczynajom się spominać, kto i skond ich wybiyroł, a niy ino pamiyntajom ło tym, bez kogo zostali nominowane. A posłów i senatorów zebrało się sporo. Niy chca być upierdliwy, czymu tyla ich przylazło, ale przeca zbliżomy się po leku do kolejnych wcelowań i bez toż na tym komentarzu skończa.
|
|
[10 lipca 2009]
Roztomili. Słuchołech wczoraj radia, kaj boł przeprowadzony wywiad z jednym rektorym wyższy uczelni i coroz wiynkszo złość mie ogarniała. Ministerstwo Nauki i Szkolnictwa Wyższego łobmyślyło sie, aby dać wyróżniajoncym sie sztudyntom 1000 zł stypendium jako zachynta na nikere kierunki. I chwała za to naszymu rzondowi, że tak dbo ło kształcynie nowych kadr na potrzebnych kierunkach, ale okazało sie, że kasa dostanom ino uczelnie kere złożyły papiery odpowiednio wypełnione i spełniajonce wyznaczone kryteria. Jake to boły kryteria to pan rektor do końca niy wiedzioł, co niyzbyt dobrze o nim świadczy, i stwierdzioł, że jego uczelnia być może niy dostała kasy, bo niy miała takich specow łod wypełnianio formularzy, jak majom prywatne szkoły, kere mogom zapłacić profesjonalnym wypełniaczom. Spomniało mi się zaro Euro 2012.
|
|
[04 lipca 2009]
Roztomili. Szkryflom tyn felieton, kedy woda i emocje opadajom. W ciongu tych lot łod czasu, jak żech zaczon pisać, podobne sytuacje zdarzały sie dość czynsto i w zasadzie mogbych skopiować moje bazgroły sprzed poru lot i nic by niy trza dodać ani ujońć, jednym słowym w ty kwestii sie nic niy zmiynio.
|
|
[19 czerwca 2009]
Roztomili. W dzisiejszym felietonie chciołbych pora krytycznych słów poświyncić kulturze. Przymierzołech się do tego tymatu już łod downa, ale miara moji goryczy przebrała dopiero wiadomość ło tym, że artyści w Opolu niy bydom grać przy orkiestrze, ale przy tzw półplejbekach.
|
|
[12 czerwiec 2009]
Roztomili. Skuli wyborów zajmowołech sie w łostatnich felietonach politykom, ale dzisioj sie łodpuszcza tak jak te przeszło 75 proc. naszych obywateli, kerzy niy poszli welować z roztomajtych zapewne przyczyn. Ale jo, skiż tego żech łoddoł głos, byda sięe mog poszkamrać przez najbliższych pora lot, a zaczynom łod dziś. Dziwi mie hurraoptymizm nikerych polityków i deklaracje o wzajemny współpracy na europejskim forum miyndzy polskimi europosłami. Ale mom ta nadzieja, że niy przeniesom do Brukseli partyjnych rozgrywek, kerymi raczom nos w Polsce a wzniesom się na ponadpartyjne interesy dla wspólnego dobra . I na tym koniec polityki, bo przez nią niy napisoł żech nic o Dniu Dziecka i innych ważnych w naszym życiu wydarzeniach. A jak pisza ło Dniu dziecka to pozwola sobie na pora refleksji z mojich młodych lot.
|
|
[29 maj 2009]
Roztomili. Pisza tyn felieton we wtorek 26 maja pod parasolym przed mojom chałpom w Halymbie. A niebo na dymnom w słońcu skompane, bezchmurne, błynkitne i gafca się tam w gora kaj na niebiańskich polanach wczasujom nasze mamy, kere tu na ziemskim padole dość się naużyrały ze swojimi maminsynkami, chociaż mało kery synek zasłużył na to, żeby go tak rozpieszczać. Na Ślonsku chociaż chopy mieli dużo do godki, nojważniejszo rola pełniyły nasze rodzicielki i to łone decydowały, czy z bajtla wyrośnie chop czy dupa. Bo zdarzało się że jak taki niemowlak przyssoł się do cycka łod mamy to ssoł z niego jak z cysterny, choć lata leciały i dupa wyrosła z becika, a potym z krótkich galot, ale łod cycka się niy mogła oderwać.
|
|
[22 maj 2009]
Roztomili. Miało być Euro w Chorzowie, a bydzie psińco. Odrzucynie kandydatury Chorzowa jest przykładym fatalnego traktowanio Ślonska przez warszawka. Śmieszom mie argumenty nikerych dziennikarzy, kerzy obcionżajom odpowiedzialnościom za taki stan rzeczy włodarzy Chorzowa, kerzy ponoć złożyli za chudo w stosunku do innych miast oferta. To, że ktoś przedstawi wiyncy kartek i wiyncy napisze nie musi znaczyć, że to zrobi. Widać, że nadal niy liczom sie realia, a papier i układy partyjno-kolesiowskie.
|
|
[15 maj 2009]
Roztomili! Odebrołech telefon z telewizji TVN. Miło pani, kero przejrzała moja strona internetowo www.makula.pl namawiała mię do startu w sztandarowym programie tyj stacji "Mam Talent".
|
|
[8 maj 2009]
Roztomili! Bołech łostatnio z kabaretym na gościnnych wystympach w Niemcach i ledwo zech przijechoł do naszy Polski rzeczywistości, a już widza anomalie, bo zdo mi sie pisać o Sierpniu w maju. Grupy zwionzkowcow z ty organizacji wcisły sie do biur poselskich w celu ich okupowanio.
|
|
[24 kwietnia 2009]
Roztomili! Od tego felietonu byda sie staroł pisać wedle wypracowanych reguł, a to skiż tego, że miołech okazja ostatnio uczestniczyć w spotkaniu, kaj grono szacownych Ślonzokow toczy dyskusje na tymat kodyfikacji ślonski godki.
|
|
[17 kwietnia 2009]
Roztomili. Tragiczne wydarzynia łostatnich dni skłoniyły mię do smutnych refleksji. Pisza ło tym, bo "Ślaskie Kluski" to niy ino dyrdymały i balakwastry, ale również śląski punkt widzynio na to, co się dzieje w naszym kraju.
|
|
[10 kwietnia 2009]
Roztomili zbliżo sie Wielkanoc, wszyscy tym żyją i ło tym piszą, bez toż jo tyż dociepna pora linijek do tymatu. Ze zwyczajów i obrzędów praktykowanych w okresie Świąt Wielkanocnych nojbardzi starom się przestrzegać obowiązek spowiedzi.
|
|
[3 kwietnia 2009]
Roztomili, dostołech propozycjo prowadzynio rubryki ze śląskimi felietonami w "Polsce Dzienniku Zachodnim".
|
|
 |
|
|
|
Wyślij im kartkę
Imprezy Lang Team 2009
Okiem recenzenta